المقادير
لتر حليب
كاس سكر حجم الكاس 220مل
كاس فرينة
2 مغارف مايزينة
3 مغارف كاكاو بني او 100 غ شكلاطة
قبل التحضير ،نحكم بلاطو نحط في القاع نوادكوكو (جوز الهند ) سمك 1 سم حجم البلا حوال 20/30
طريقة التحضير
في كاسرول نحط الحليب والسكر وكل المكونات المذكورة بارد في بارد ونخلطو مليح ،نحطوها فوق النار مع مواصلة الخلط بدون توقف حتى تعقاد مليح وتثقال نطفو النارنضيفو مغرف فانيلا ومغرف زبدة ونخلطو ،مباشرة نكبوها في البلاطو لي وجدناه ونسووها بالمغرف ونخلوها تبرد في الثلاجة
المرحلة الثانية :
كاس شونتيي +كاس الاربع حليب بارد او ماء بارد ونخلطو حتى ترجع ثقيلة ثم نوضعوها فوق الخليط الاول لي يكون بارد ،ونرجعوها للثلاجة تبرد وتشد روحها
المرحلة الاخيرة نقطعوها على 6 او 8 او على حسب الرغبة
ونرولوها بالحبة تجي هايلة وبنينة بالنسبة لي احسن تحلية
تعليقات
إرسال تعليق