بسبوسة

نبدا بشاربات في كسرونة حطي 2 كيسان سكر و4 كيسان ماء شريحة ليمون نحركهم ونحطهم فوق نار غي يغلي ماء نحسب 15 دقيقة ونطفي 

نمر للخليط نحط 4 حباة بيض متوسطين نص كاس سكر قرصة ملح مبشور ليمون ملعقة لفاني نخلطهم مليح ونضيف كاس غي ربع زيت وكاس غي ربع حليب دافئ ونخلط حتي نتحصل على خليط رغوي نجيب نفس كاس نعبر بيه سميد متوسط نحط 2 كيسان ونخلط بعدها نضيف 2 مغارف كبار فرينة ونضيف فوقهم 2 كيس خميرة حلوة ونخلط جيدا نخلي خليط يرتاح شوية بعدها نخلطو وندهن سنيوة ونرشها بسميد ونفرغ الخليط نسويه مليح. وندخلها الفرن كي تنشف نشعل من فوق نخليها تحمار ونجبدها نشربها بشاربات باردة حتي نكمل كمية نخليها 3 ساعات ونقطعها تزيين اختياري