المقادير:
الكيل بنفس كيلة جميع المقادير6 كيسان سميد خشين كامل
كاس سكر عادي
ملاحظة حطيت غ كاس لان فشربات راح نحط 3 كؤوس سكر
كاس اللبن
كاس زيت
كاس ماء زهر
الشربات
في كاسرونة نحط 6 كيسان ماء و3 كيسان سكر عاديونص حبة ليمون نخلطهم مليح ونحطهم فوق نار حتى نشوفها بدات تغلي نحسبلها ربع ساعة ونطفي علاها ونزيدلها فنجان صغير ماء زهر ونخليه يبرد
الحشو
حسب اختياركم
في غيسبيو نحط حوالي 30غ لوز محمص ومرحي مع شوي قرفة مرحية وشوي من لابات قلب اللوز ونخلطهم مليح
طريقة التحضير:
في جفنة نحط سميد خشين كامل مع سكر عادي نخلطهم مليح بيديا ونزيد زيت ونخلط مليح ونزيد اللبن تع القرعة او شكارة ونزيد ماء زهر ونخلط مليح بيديا ونقسم لابات على 2 ونفرغ نص في سنيوة الفرن مذهونة بشوي زيت كاملة ونحط الحشو ونزيد نفرغ لابات لخلينها نغطي بيها الحشو ونمشي بيديا حتى للاطراف ونسقمها مليح ونرشق حبات اللوز من فوق وندخلو للفرن يكون سخون من قبل على درجة الحرارة 200° حتى ياخد اللون الذهبي نطفي عليه ونشعل عليه من فوق حتى يحمار نخرجو وهوا سخون نفرغ عليه شربات باردة غير بالعقل باه ماتتشقش ونعاود نرجعو للفرن يكون غير دافي مانشعلش عليه ونخليه مدة 2 دقائق يتشرب الشربات ونخرجو ونقطعو ويقدم شهية وصفة قلب لوز محلات
تعليقات
إرسال تعليق