خبزة محشية

العجينة :

500 غ فارينة
باكو خميرة
مغرفة صغيرة سكر
مغرفة صغيرة ملح
شويا كليل و الا زعتر مرحي
كأس تاي زيت
50 غ زبدة

الحشو : ( حسب الرغبة )

انا حطيت فيه موزاريلا و بطاطا مقلية و معدنوس و شويا لحم دجاج ( مقلي في شويا زيت و كركم و فلفل اكحل و ملح ..) جبن مثلث، .صالة بيتزا ... المهم الي عندك حط ميقلقش..

طريقة التحضير :

شطر كأس ماء دافي فيه خميرة و سكر غطيهم و حطهم على جنب لين يتفاعلو..
فارينة و سكر و كليل و ملح و سكر و نحطو معاهم لخميرة الي حطيناها تتفاعل نخلطوهم مع بعضهم بماء و الا بالحليب كيف ما تحب .. و نعجنوهم بالباهي و خلوهم تخمر..
بعد ما تخمر نقسم لعجينة ل 8 كويرات و نبدأ نحل بالقلقال بالوحدة و بعد ندهنها بالزبدة و نحطهم فوق بعضهم( بش تجيك مورقة و هشوشة) و بعد ما حطيت الكويرات المحلولين فوق بعضهم نزيد نحلهم بالقلقال و نطوي لعجينة على أربعة و نرجعوها تخمر
و بعد ما خمرت .. نقسم لعجينة على ثنين نحل الكعبورة الاولي بالقلقال و نحطها في الطبق و بعد نحط الحشو و نحل لعجينة الثانية و نحطها فوق منها.. و بعد ادهنها باصفر عضمة و تنجم تزينها بشويا افاح خبز و كعبات زيتون.. و انت اش عندك و اش تحب .. و بالطبيعة للفرن